Shqypnisë.., Gjergj Fishta

gjergj fishta poezi shqypnise
T'falem, Shqypnì, ti i shpirtit tem dishiri!
I lum njimend jam un n'gji t'and tue rrnue,
Tue gzue t'pàmt t'and, tue t'hjekë atë ajr t'kullue,
Si Leka i Madhi e Skanderbegu i biri.

Kje i Lumi vetë, qi mue m'dergoi ksi hiri
Per nen qiellë t'ande t'kthielltë un me u perftue,
Malet e hjedhta e t'blerta me shikjue,
Kû Shqypja e Burrit s'dron se i qaset niri.

Ktû trima lèjn gjithmonë, pse ti jè nâna
E armvet n'zâ, qi shndrisin duerët e t'lumit,
Kah des per tý i rrebtë e trim si Zâna.

Eden n'Balkan ti jè; ti prej t'Amshu'mit
N'Balkan jè shkrue Mbretneshë mbi fiset t'tâna:
Hyp fronin, prâ, e sundo, Shqypnì, m't'liru'mit.

COMMENTS