Atdheut.., Gjergj Fishta

Fishta Gjergj Fishta Giorgio
N'tý mendoj kúr agon drita,
Kúr bylbyli mallshem kndon,
N'tý mendoj kur soset dita,
Têrri boten kúr e mblon.

Veç se tý të shoh un n'anderr,
Veç se tý, çuet, t'kam n'mendim;
Nder t'vështira ti m'jé qanderr,
Per tý i lehtë m'vjen çdo ndeshkim.

Tjera brigje, fusha e zalle
Un kam pá, larg tue bá shtek,
E pergjova tjera valle,
N'tjera lule syu m'u rrèk;

Por nji fushë mâ e blerët nuk shtrohet,
Por nji mal mâ bukur s'rri,
Ma i kulluet nji lum s'dikohet,
Moj Shqypní, porsi i ké ti.

N'tý mâ i bukur lulzon Prilli,
Janë mâ t'kandshme stinë e mot;
N'tý bylbyli pa lé dielli
Kndon mâ ambel t'Madhit Zot.

Pa tý lules s'm'i vjen era,
Pa tý pema fryt nuk m'bjen;
Mue pa tý nuk m'del prendvera,
Pa ty dielli nuk m'shkelxen.

Dersá t'mundem me ligjrue
E sá gjáll me frymë un jam,
Kurr, Shqypni, s'kam me t'harrue,
Edhe n'vorr me t'permendë kam.

COMMENTS